A IGREXA DIOCESANA POR UN TRABALLO DECENTE

Celebráronse actos en Santiago e A Coruña

A nivel diocesano conmemorouse con diversos actos   o décimo aniversario da iniciativa Igrexa polo Traballo Decente co lema «Por ti, por min, traballo decente». Deste modo  reafirmouse o   compromiso coa dignidade e o coidado de todas as persoas traballadoras en todo o mundo.As parroquias de Santa Marái de Salomé,en Santiago, e as dos Santos Anxos e a  Milagrosa, na Coruña, foron os lugares escollidos para a celebración dos actos nos que deuse lectua o manifesto xeral e cdelebrouse a Eucaristía.

A sinistralidade laboral

No documento sinálase a que consideran  realidade preocupante en España, cun desemprego estrutural

onde miles de persoas queren traballar e non poden;con aínda, demasiada temporalidade “que dificulta enormemente a estabilidade dos proxectos vitais de miles de persoas traballadoras”; e  cunha insoportable praga, a sinistralidade laboral; coa perda de poder adquisitivo dos salarios; coas dificultades de conciliación laboral e familiar, e o aumento das enfermidades psicosociais, recordan no manifesto.

Reiteran que a dignidade da persoa traballadora ”é innegociable e debe estar no centro de todas as decisións políticas e económicas”. Apostan por un presente e un futuro onde o traballo decente sexa unha realidade para todos, tamén no seo da Igrexa. “Comprometémonos a seguir loitando pola dignidade e o coidado das persoas traballadoras”, sinalan finalmente.